Boas!
Hoxe
estamos aquí para comentar individualmente como nos sentimos
traballando en grupo para esta materia.
Pola
miña parte direi que me resultou moi agradable traballar en grupo xa
que me atopei con xente da que aprendín moito e coa que en conxunto
elaboramos un traballo que considero foi moi produtivo.
O
grupo comezou con catro integrantes que xa nos coñecíamos pero que
non todas habiamos traballado en grupo, polo que eu non coñecía as
súas formas de traballar en conxunto, o cal foi tamén un reto. Por
outra parte, dicir que unha vez formado xa o equipo e comezado o
traballo se incorporou unha nova persoa pero que rapidamente se
adaptou e integrou sen ningún problema.
Como
parte negativa do traballo en grupo, destacaría os distintos niveis
de aportación de traballo das integrantes ó mesmo, habendo
diferenzas no esforzo por levalo adiante de unhas e outras.
Ó
principio o traballo plantexábasenos moi difícil porque nos xurdiu
a idea de traballar coa Galiña Azul do Campus de Pontevedra pero
tardamos moito en obter o permiso para facelo. Unha vez obtido, o
traballo foi sobre rodas porque tiñamos moitas ganas de levar
adiante este proxecto e ver os resultados.
Por
último, direi que hoxe, día da exposición do proxecto, os nervios
estaban a flor de pel, e que unha vez comezamos a presentalo e
comezamos a ter problemas coa conexión a internet, os nosos ánimos
viñéronse abaixo xa que estabamos convencidas de que o noso
traballo era bo e de que a presentación estaba moi preparada e non
estaba sendo realizada como se merecía. Esperamos que isto non
afectara á valoración do noso traballo xa que nos levou moito tempo
e sempre tivemos ilusión por ver o resultado final.
Isto
é todo pola miña parte e despídome deste proxecto que tan bos
momentos me fixo pasar e que tanto me deu que aprender.
Foi
un pracer!
Cristina
Amoedo Fragueiro
No hay comentarios:
Publicar un comentario