Reflexión sobre o traballo en equipo

Este equipo formouse fai preto dun mes. Nun primeiro momento o grupo estaba formado por catro integrantes (Yoli, Cris, Sofía e Ángela) que xa nos coñeciamos e, en certa medida, xa estabamos o tanto de como traballaba cada unha de nós en equipo. Unha vez elixido o tema e comezado o traballo uniuse unha nova integrante o grupo (Alba), tendo que adaptarse ás decisións que xa estaban tomadas.

Xa con cinco integrantes o equipo consolidouse e comezamos a traballar duramente para levar a diante este proxecto, Sesenta Gotas, e así poder acadar os obxectivos propostos.

A nosa filosofía de traballo fundaméntase en levar a cabo sempre un consenso de todas aquelas ideas que vaian xurdindo en relación ao tema de traballo. Como equipo, sempre tentamos aproveitar o tempo libre que temos e traballar sempre nun mesmo espazo.

Unha vez encamiñada a idea do traballo fixemos unha visita á Escola Infantil do Campus de Pontevedra para pedir a súa colaboración facilitándonos información daquilo que precisemos para a creación da nosa revista dixital.

Esta colaboración animounos a avanzar no proxecto xa que dende un primeiro intre as educadoras da escola estiveron moi receptivas e interesadas no noso traballo.

Con todo isto, esperamos que o noso traballo continúe por este bo camiño e que finalice nunha boa experiencia que poida ser continuada a mans da escola.